गोंदिया प्रतिनिधी
पोलिसांनी नुकतीच ड्रग्स बनवण्यार्या कारखान्यावर धाड टाकून आरोपींना अटक केली होती.
गोंदिया जिल्ह्यातील स्थानिक गुन्हे शाखेच्या पथकाने अवैधरित्या सुरू असलेल्या बनावट इंग्रजी दारू निर्मिती ठिकाणावर धाड घालून 5 लाख 88 हजार 260 रुपयाचा मुद्देमाल हस्तगत हस्तगत करून तिन आरोपींना बेड्या ठोकल्या आहेत.
ही कारवाई शहराजवळील भागवतटोला शिवारात केली. हंसराज सुखचंद मस्करे (49), जितेंद्र गोधनलाल नागपुरे (36) दोन्ही रा. ढाकणी, गुलाब किसन वाढवे (40) रा. ओझीटोला असे अटकेतील आरोपींचे नावे आहेत. धर्मेंद्र डहारे रा. ढाकणी व इतर काही आरोपी फरार सांगीतले जाते.
शहराजवळील भागवतटोला शेतशिवारामध्ये काही इसम बनावट इंग्रजी दारू निर्मिती करीत असल्याची विश्वसनिय माहिती स्थानिक गुन्हे शाखेचे पथक गस्त करीत असताना मिळाली. माहितीच्या अनुषंगाने पथकाने बनावट इंग्रजी दारू निर्मिती करणार्या ठिकाणावर रात्री 12.30 वाजता छापा टाकला. पोलिस आल्याची चाहूल लागताच काही आरोनी अंधाराचा फायदा घेऊन पळून गेले. तिघे आरोपी बनावट इंग्रजी दारू निर्मिती करीत असताना मिळून आले. कारवाईत बनावट इंग्रजी दारू निर्मितीकरीता वापरले जाणारे साहित्य स्पिरीट, रिकाम्या बॉटलस्, बनावट लेबल, विविध रंगाचे चॉकलेटी फ्लेवर, 4 दुचाकी, प्लास्टिक कॅन, ड्रम, बनावटी इंग्रजी दारू, टिल्लू पंप व दारू निर्मितीचे ईतर साहित्य असा 5 लाख 88 हजार 260 रुपयांचा मुद्देमाल हस्तगत केला.
याप्रकरणी आरोपी हंसराज मस्करे, जितेंद्र नागपुरे, गुलाब वाढवे यांना ताब्यात घेत रामनगर पोलिस ठाणे येथे पोलिस उपनिरिक्षक शरद सैदाने यांच्या तक्रारीवरून महाराष्ट्र दारूबंदी अधिनियम 1949 कलम 65 अ, ब ,क ,ड, ई, 83, 108 सह कलम 123 भारतीय न्याय संहिता अन्वये गुन्हा दाखल करण्यात आला आहे. इतर फरार आरोपींचा पोलिस शोध घेत आहेत.
सदरची कारवाई पोलिस अधीक्षक गोरख भामरे, अप्पर पोलिस अधीक्षक नित्यानंद झा यांच्या निर्देशानुसार उपविभागीय पोलिस अधिकारी रोहिणी बानकर यांच्या मार्गदर्शनात स्थानिक गुन्हे शाखेचे पोलिस निरीक्षक दिनेश लबडे यांच्या नेतृत्वात सहायक पोलिस निरिक्षक धीरज राजूरकर, शरद सैदाने, अंमलदार राजेंद्र मिश्रा, महेश मेहर, भुवन देशमुख, सुजित हलमारे प्रकाश गायधने, इंद्रजीत बिसेन, सुबोध बिसेन, दुर्गेश तिवारी, घनश्याम कुंभलवार, राम खंदारे लक्ष्मण बंजार यांनी केली आहे.
