अलिबाग प्रतिनिधी
रायगड जिल्ह्यातील दहा नगरपरिषद निवडणुकींच्या पार्श्वभूमीवर नामनिर्देशन प्रक्रिया सोमवारी अखेर पूर्ण झाली आहे. येत्या २ डिसेंबरला मतदान होणार असून, नगराध्यक्ष आणि नगरसेवक पदांसाठी मोठ्या संख्येने उमेदवारांनी अर्ज दाखल केले आहेत.
जिल्ह्यात नगराध्यक्षपदासाठी ५९ तर नगरसेवक पदासाठी तब्बल ९०० उमेदवारी अर्ज दाखल झाले. मंगळवारी या अर्जांची छाननी होणार आहे. अलिबाग, पेण, उरण, खोपोली, कर्जत, रोहा, मुरुड-जंजिरा, श्रीवर्धन, महाड आणि माथेरान या दहा नगरपरिषदांमध्ये २१७ नगरसेवक पदांसाठी निवडणुका होत आहेत.
सुरुवातीच्या दोन दिवसांत एकही अर्ज दाखल न झाल्याने वातावरण शांत होते. मात्र युती–आघाडीची समीकरणे स्पष्ट होताच उमेदवारी अर्ज भरण्याचा वेग प्रचंड वाढला. नामनिर्देशनाच्या अखेरच्या दिवशीच नगराध्यक्षपदासाठी ३६ आणि नगरसेवक पदासाठी ५२० अर्ज दाखल झाले.
नगर परिषदनिहाय उमेदवारीची संख्या
• अलिबाग : नगराध्यक्ष ६, नगरसेवक ७५
• पेण : नगराध्यक्ष ५, नगरसेवक १०३
• उरण : नगराध्यक्ष ९, नगरसेवक ७८
• खोपोली : नगराध्यक्ष ७, नगरसेवक १८८
कर्जत : नगराध्यक्ष ८, नगरसेवक ९२
• रोहा : नगराध्यक्ष ३, नगरसेवक ७८
• महाड : नगराध्यक्ष ७, नगरसेवक ७८
• मुरुड-जंजिरा : नगराध्यक्ष ५, नगरसेवक ७४
• श्रीवर्धन : नगराध्यक्ष ५, नगरसेवक ६८
• माथेरान : नगराध्यक्ष ४, नगरसेवक ७०
उद्या नामनिर्देशनपत्रांची छाननी होणार असून, फॉर्म बाद किंवा वैध ठरल्याने निवडणूक रिंगण अधिक स्पष्ट होणार आहे. आगामी काही दिवसांत प्रचाराला वेग येण्याची चिन्हे दिसत असून, स्थानिक पातळीवर मोठी राजकीय चुरस पाहायला मिळण्याची शक्यता आहे.
