सातारा प्रतिनिधी न्युज नेटवर्क
पुणे पुन्हा एकदा हादरलं! लोणावळ्याच्या पोलिसाने चिमुकलीसोबत अश्लील चाळे केल्याचा धक्कादायक प्रकार उघडकीस आला आहे. विसापूर किल्ल्याच्या पायथ्याला रक्षकचं भक्षक बनला आहे. एका पोलीस शिपायाने चिमुकलीसोबत अश्लील चाळे केलेत.
नाताळची सुट्टी असल्याने पर्यटक विसापूर किल्ल्यावर गर्दी करत होते, म्हणून नराधम पोलीस सचिन सस्ते तिथे बंदोबस्तावर होता. तिथे त्याने एका हॉटेलमधून भाकरी घेतली आणि जेवण केलं. त्या भाकरीचे बिल द्यायला तो हॉटेलमध्ये आला, तेव्हा मात्र तो दारूच्या नशेत होता. त्यावेळी त्याने तिथे पाच वर्षीय चिमुरडीला पहिले. लघुशंकेचा बहाणा करून तो हॉटेलच्या मागे गेला आणि चिमुकलीसोबत अश्लील चाळे केले. मुलीने विरोध केला असता तुला चॉकलेट देतो हे कोणाला सांगू नकोस असं तो तिला म्हणाला. मात्र घडला प्रकार मुलीने आईला सांगितला. पोलिसांना हा सगळं प्रकार सांगण्यात आला. ज्या लोणावळा ग्रामीण पोलीस स्टेशनमध्ये तो कार्यरत होता, त्याचं पोलिसांनी त्याला अटक केली आहे.
नेमकं काय घडलं
आम्ही विसापूरच्या पायथ्याशी राहतो. आमचं तिथं घर आहे. आमची छोटी मुलगी तिथं वाळूच्या ढिगाऱ्यावरती खेळत होती. मी त्या पोलिसाला जेवायला दिलं, त्यानंतर मी शेतावर गेले, मुलगी तिकडे खेळत होती, आणि माझी सून आणि भाची घरामध्ये स्वयंपाक बनवत होत्या. माझी सून जेव्हा काऊंटरजवळ आली तेव्हा त्या लहान मुलीने आपल्या आईकडे येऊन सांगितलं, त्या पोलिस काकांनी मला मागं नेलं आणि माझ्या अंतर्वस्त्रांमध्ये हात घातला. ती रडत होती, आणि घाबरली होती. सुनेने आणि माझ्या मुलाने मला फोन केला. मी घरी आले. तेव्हा माझ्या मुलाने मला सर्व घटना सांगितली. त्यानंतर आम्ही पोलिसांना बोलावलं. त्यांनी विचारलं काय झालं, तेव्हा त्यांना सर्व माहिती दिली, जर कायद्याचे रक्षक असं वागतं असतील तर आम्ही कोणाकडे न्याय मागायचा असं त्या चिमुकल्या मुलीच्या आजीने सांगितलं आहे.
चिमुकलीच्या आजीने केला प्रश्न उपस्तिथ
वर्दीतील नराधमाने हा अन्याय केला. मी त्या पोलिसाला जेवायला दिलं. मी शेतात गेले. तर मुलगी वाळूच्या ढिगाऱ्यावर खेळत होती. तेव्हा पोलिसाने तिला हॉटेलच्या पाठीमागे नेले आणि असा प्रकार केला. पोलिसानेच असे कृत्य केल्यावर आम्ही न्याय तरी कुणाकडे मागवा, असा हंबरडा मुलीच्या आजीने फोडला.
