वृत्तसंस्था:
इंडियन प्रीमियर लीगच्या 19व्या हंगामासाठी होणाऱ्या खेळाडूंच्या लिलावाची तारीख अखेर जाहीर झाली आहे. सर्व फ्रँचायझींनी शनिवारी आपापल्या रिटेन्शन याद्या जाहीर करताच कोणाकडे किती स्लॉट्स रिक्त आहेत आणि किती पर्स उपलब्ध आहे, हे स्पष्ट झाले. विशेष म्हणजे, यंदाही लिलाव भारताबाहेरच होणार असून कोटींच्या खरेदी-विक्रीचा मेळा अबू धाबीत रंगणार आहे.
📍 Abu Dhabi
🗓️ Mark your calendars folks, #TATAIPLAuction 2026 is coming your way 🥳
Which player will attract the highest bid? 🤔✍️#TATAIPL pic.twitter.com/BhKnunTzvu
— IndianPremierLeague (@IPL) November 16, 2025
१६ डिसेंबरला मोठा सोहळा
IPL 2026 चा मिनी लिलाव मंगळवार, १६ डिसेंबर रोजी होणार आहे. खेळाडूंच्या दिमाखदार बोलीसाठी सर्व संघ सज्ज झाले असून, या दिवशी फ्रँचायझींच्या रणनितीची खरी परीक्षा होणार आहे.
77 स्लॉट्स, तब्बल 237 कोटींचा खेळ
एका संघात कमाल 25 खेळाडू ठेवण्याची परवानगी आहे. रिटेन्शननंतर सर्व 10 संघांकडे मिळून 77 जागा रिक्त आहेत, त्यापैकी 27 जागा विदेशी खेळाडूंसाठी राखीव आहेत. या लिलावात भिडण्यासाठी संघांकडे एकूण 237 कोटी रुपयांची पर्स उपलब्ध असून मोठमोठ्या बोलींची आतुरतेने वाट पाहिली जाते आहे.
पर्स बॅलन्समध्ये KKR अव्वल, MI तळाला
रिटेन्शनच्या धुमश्चक्रीत कोलकाता नाईट रायडर्स सर्वाधिक पर्ससह अग्रस्थानी आहेत, तर सर्वात कमी रक्कम मुंबई इंडियन्सकडे आहे.
संघनिहाय पर्स बॅलन्स व रिक्त स्लॉट्स
कोलकाता नाईट रायडर्स (KKR)
रिक्त स्लॉट्स: 13
पर्स बॅलन्स: 64.3 कोटी
चेन्नई सुपर किंग्ज (CSK)
रिक्त स्लॉट्स: 9
पर्स बॅलन्स: 43.4 कोटी
सनरायझर्स हैदराबाद (SRH)
रिक्त स्लॉट्स: 10
पर्स बॅलन्स: 25.5 कोटी
लखनऊ सुपर जायंट्स (LSG)
रिक्त स्लॉट्स: 6
पर्स बॅलन्स: 22.95 कोटी
दिल्ली कॅपिटल्स (DC)
रिक्त स्लॉट्स: 8
पर्स बॅलन्स: 21.8 कोटी
रॉयल चॅलेंजर्स बंगळुरू (RCB)
रिक्त स्लॉट्स: 5
पर्स बॅलन्स: 16.4 कोटी
राजस्थान रॉयल्स (RR)
रिक्त स्लॉट्स: 9
पर्स बॅलन्स: 16.05 कोटी
गुजरात टायटन्स (GT)
रिक्त स्लॉट्स: 6
पर्स बॅलन्स: 12.9 कोटी
पंजाब किंग्ज (PBKS)
रिक्त स्लॉट्स: 4
पर्स बॅलन्स: 11.5 कोटी
मुंबई इंडियन्स (MI)
रिक्त स्लॉट्स: 5
पर्स बॅलन्स: 2.75 कोटी
अबू धाबीत १६ डिसेंबरला रंगणाऱ्या या मेगा लिलावाची क्रिकेटप्रेमींमध्ये उत्सुकता शिगेला पोहोचली आहे. कोणत्या खेळाडूवर वर्षाव होणार आणि कोणाचा पत्ता कट होणार, याकडे सर्वांचे लक्ष लागले आहे.
