पेण तालुक्यातील दादर सागरी पोलीस स्टेशन मध्ये सरकारी शस्त्रे तपासणी व सफाई चे काम सुरू असताना अचानक गोळी सुटल्याने महिला कर्मचारी जखमी झाली आहे. पोलीस स्टेशन मध्ये बंदूक साफ करत असताना पायाला गोळी लागल्याने नूतन लाड ह्या जखमी झाल्या आहेत. त्यांना उपचारार्थ उपजिल्हा रुग्णालय पेण येथे दाखल करण्यात आले आहे.
सर्व्हिसिंगकरत असताना अचानक बंदुकीची गोळी सुटली. ही गोळी ही नूतन लाड यांच्या पायाला घासून गेल्यानं त्या जखमी झाल्या. त्यांना लगेच पेण येथील उपजिल्हा रुग्णालयात दाखल करण्यात आलं. मात्र नंतर त्यांना अधिक उपचारासाठी खासगी रुग्णालयात दाखल करण्यात आलं. सध्या त्यांची प्रकृती स्थिर आहे. तर घटनेची माहिती समजताच पोलीस अधीक्षक सोमनाथ घार्गे, उपविभागीय पोलीस अधिकारी गजानन टोम्पे, दादर सागरी प्रभारी अधिकारी नागेश कदम आदींनी तत्काळ पोलीस स्टेशनला भेट दिली.
