नवी दिल्ली. वृत्तसंस्था
महाराष्ट्राची राजधानी मुंबई फसवणुकीच्या बाबतीत सर्वात पुढे पोहोचली आहे. महाराष्ट्रात केवळ एका वर्षात 38,872.14 कोटी रुपयांची फसवणूक झाली आहे. महाराष्ट्रात 2024 मध्ये आर्थिक फसवणुकीचे 2,19,047 प्रकरणे नोंदवण्यात आली.
यात सर्वाधिक प्रकरणे मुंबईतून समोर आली होती.
राज्याच्या गृह विभागाने जारी केलेल्या एका अहवालातील आकडेवारीनुसार, मुंबईमध्ये फसवणुकीचे सर्वाधिक 51,873 प्रकरणे नोंदवण्यात आली. एका वर्षात गुन्हेगारांनी पीडितांकडून एकूण 12,404.12 कोटी रुपयांची फसवणूक केली आहे. मुंबईनंतर दुसऱ्या क्रमांकावर पुणे आहे. जिथे एका वर्षात 22,059 प्रकरणे नोंदवण्यात आली. ठगांनी लोकांना 5,122.66 कोटी रुपयांचा गंडा घातला.
या जिल्ह्यांमध्येही झाली फसवणूक
आकडेवारीवरून दिसून येते की, ठाणे जिल्ह्यात एका वर्षात फसवणुकीचे 35,388 प्रकरणे समोर आले आहेत. केवळ ठाणे शहरात 20,892 प्रकरणे नोंदवण्यात आली. याचप्रमाणे नवी मुंबईत 13,260 आणि ठाणे ग्रामीणमध्ये 1,236 प्रकरणे नोंदवण्यात आली. या दोन्ही जिल्ह्यांमध्ये ठगांनी मिळून 8,583.61 कोटी रुपये पीडितांकडून उकळले.
मीरा भाईंदर आणि वसई विरार भागात 11,754 प्रकरणे समोर आली आहेत, ज्यात ठगांनी लोकांना सुमारे 1,431.18 कोटी रुपयांचा गंडा घातला आहे. पिंपरी-चिंचवडमध्ये 16,115 प्रकरणे समोर आली. याशिवाय नागपूरबद्दल बोलायचं झाल्यास, शहरी भागात 11,875 आणि नागपूर ग्रामीण भागात 1,620 प्रकरणे नोंदवण्यात आली. यात ठगांनी मिळून 1,491.07 कोटी रुपयांची फसवणूक लोकांकडून केली आहे.
इतर शहरांमध्येही झाली फसवणूक
अहवालात असे दिसून आले आहे की, नाशिक जिल्ह्याच्या शहरी भागात 6,381 आणि ग्रामीण भागात एकूण 2,788 प्रकरणे नोंदवण्यात आली. या दोन्ही प्रकरणांमध्ये मिळून ठगांनी 1,047.32 कोटी रुपयांवर हात साफ केले. छत्रपती संभाजीनगर जिल्ह्यात 543.61 कोटी रुपयांच्या फसवणुकीचे 6,090 प्रकरणे नोंदवण्यात आली, तर अमरावती जिल्ह्यात 223.059 कोटी रुपयांच्या फसवणुकीचे 2,778 प्रकरणे नोंदवण्यात आली.
याचप्रमाणे, राज्यातील सोलापूर जिल्ह्यात या प्रकारची एकूण 3,457 प्रकरणे नोंदवण्यात आली, ज्यात पीडितांकडून 394.54 कोटी रुपयांची फसवणूक लोकांकडून करण्यात आली. इतर जिल्ह्यांबद्दल बोलायचं झाल्यास, बुलढाण्यात 1,531 प्रकरणे, चंद्रपुरात 1,792 आणि लातूरमध्ये 1,624 प्रकरणे नोंदवण्यात आली.
