कोल्हापूर (प्रतिनिधी)
कोल्हापूर मध्यवर्ती बसस्थानकात आज एक धक्कादायक घटना उघडकीस आली. बसस्थानकाचे प्रभारी वाहतूक नियंत्रक अनिल शंकरराव खाडे (वय ५५, रा. शाहू मिल कॉलनी) यांनी विश्रांती कक्षाच्या चौकटीला गळफास घेऊन आत्महत्या केली.
तब्बेत बरी नसल्याचे सांगून त्यांनी दुपारी रजा घेतली होती; मात्र घरी न जाऊन त्यांनी बसस्थानकातील विश्रांती कक्षात जीवन संपवले. चालक संतोष शिरसाट यांना घटना लक्षात आल्यावर त्यांनी वरिष्ठ अधिकाऱ्यांना माहिती दिली. आगार व्यवस्थापक अनिल म्हेतर, प्रमोद तेलवेकर आणि स्थानकप्रमुख मल्लेश विभूते घटनास्थळी धाव घेतली.
सहकाऱ्यांच्या प्रयत्नाने खाडे यांना गळफासातून सोडवून सीपीआरसाठी रुग्णालयात नेले गेले; मात्र उपचारापूर्वीच त्यांचा मृत्यू झाला. घटनास्थळी गर्दीही मोठ्या प्रमाणावर जमा झाली.
पोलिसांनी दिलेल्या माहितीनुसार, अनिल खाडे काही महिन्यांपूर्वी कुरुंदवाड आगारातून मध्यवर्ती बसस्थानकात रुजू झाले होते. प्रभारी वाहतूक नियंत्रक म्हणून काम करत असताना, आज दुपारी तब्बेत बरी नसल्याचे वरिष्ठांना सांगून रजा घेतली होती. त्यांची ड्युटी दुपारी २ ते रात्री १० वाजेपर्यंत कोकण विभागात होती.
शाहूपुरी पोलिसांनी घटनास्थळी पोहोचून नोंद घेतली असून, खाडे यांच्या मृतदेहाची शेंडा पार्क येथे ताब्यात घेऊन तपासणी केली. आत्महत्येचे नेमके कारण अद्याप स्पष्ट झालेले नाही.
