नवी दिल्ली वृत्तसंस्था
सरकारकडून आधार–पॅन लिंकिंगसाठी अखेरची मुदत जाहीर करण्यात आली आहे. सेंट्रल बोर्ड ऑफ डायरेक्ट टॅक्सेस (CBDT) ने जारी केलेल्या अधिसूचनेनुसार, ३१ डिसेंबर २०२५ पर्यंत आपला आधार क्रमांक पॅन कार्डाशी लिंक करणे बंधनकारक आहे. अन्यथा, १ जानेवारी २०२६ पासून तुमचे पॅन कार्ड निष्क्रिय (Inactive) होणार आहे.
या निर्णयानंतर, पगार, रिफंड, गुंतवणूक आणि टॅक्ससंबंधी सर्व आर्थिक व्यवहारांवर थेट परिणाम होऊ शकतो, असा इशारा TaxBuddy या टॅक्स सल्लागार संस्थेने सोशल मीडियावर दिला आहे.
“तुमचे पॅन १ जानेवारी २०२६ पासून निष्क्रिय होईल. त्यानंतर न ITR फाइल करता येईल, न रिफंड मिळेल. पगार व SIP व्यवहारांवरही परिणाम होऊ शकतो,” TaxBuddy
* मुदत वाढली, पण हीच शेवटची संधी
सरकारने याआधी अनेकदा आधार–पॅन लिंक करण्याची तारीख वाढवली होती, मात्र आता ही अंतिम मुदत निश्चित करण्यात आली आहे. वित्त मंत्रालयाच्या ३ एप्रिल २०२५ च्या अधिसूचनेनुसार, १ ऑक्टोबर २०२४ पूर्वी ज्यांना आधार एनरोलमेंट आयडीच्या आधारे पॅन मिळाले आहे, त्यांनी ३१ डिसेंबर २०२५ पर्यंत आपला आधार क्रमांक आयकर विभागाला देणे अनिवार्य आहे.
* पॅन लिंक न केल्यास काय होणार?
पॅन कार्ड निष्क्रिय (Inoperative) होईल.
ITR फाइल किंवा व्हेरिफिकेशन करता येणार नाही.
रिफंड थांबेल, पेंडिंग ITR प्रोसेस होणार नाही.
Form 26AS मध्ये TDS/TCS क्रेडिट दिसणार नाही.
उच्च दराने TDS/TCS कपात होईल.
लिंकिंग केल्यानंतर साधारण ३० दिवसांत पॅन पुन्हा सक्रिय होईल.
* पगार आणि गुंतवणुकीवर परिणाम
आधीच सुरू असलेल्या बँक खाते व्यवहारांवर तात्काळ परिणाम होणार नाही.
मात्र, नवीन गुंतवणूक, शेअर ट्रेडिंग किंवा KYC अपडेट करता येणार नाही.
सर्व टॅक्ससंबंधी व्यवहार आणि कंप्लायन्स प्रक्रिया ठप्प होईल.
* पॅन–आधार लिंक कसे करावे?
1. incometax.gov.in या संकेतस्थळावर लॉगिन करा.
2. ‘Link Aadhaar’ पर्याय निवडा.
3. PAN, Aadhaar क्रमांक आणि मोबाईल नंबर प्रविष्ट करा.
4. OTP टाकून प्रक्रिया पूर्ण करा.
5. यशस्वी लिंकिंगनंतर पुष्टीकरण (Confirmation) स्क्रीनवर दिसेल.
6. ‘Quick Links → Link Aadhaar Status’ मध्ये स्थिती तपासा.
महत्वाचे
PAN आणि Aadhaarवरील नाव, जन्मतारीख व मोबाईल क्रमांक एकसारखा असावा.
अंतिम मुदतीच्या जवळ वेबसाइट स्लो होऊ शकते — त्यामुळे लवकर लिंक करा.
लिंकिंगनंतर स्क्रीनशॉट किंवा अॅक्नॉलेजमेंट जतन करा.
* उशीर केल्यास लागणारा दंड
३० जून २०२३ नंतर लिंक करणाऱ्यांना ₹१,००० चा विलंब शुल्क भरावे लागेल.
हा दंड भरल्याशिवाय लिंकिंगची प्रक्रिया पूर्ण होत नाही.
पॅन पुन्हा सक्रिय होण्यासाठी साधारण ३० दिवस लागू शकतात.
* कोणाला सूट मिळणार?
खालील गटातील व्यक्तींना पॅन–आधार लिंकिंग मोफत आहे –
* १ ऑक्टोबर २०२४ पूर्वी आधार एनरोलमेंट आयडीवर पॅन घेतलेले करदाते.
* जम्मू–काश्मीर, आसाम आणि मेघालय येथील रहिवासी.
* अनिवासी (Non-Resident) भारतीय.
* ८० वर्षांवरील (Super Senior Citizen) नागरिक.
* जे भारतीय नागरिक नाहीत.
महत्वाचे
३१ डिसेंबर २०२५ ही आधार–पॅन लिंक करण्याची शेवटची तारीख आहे.
ही प्रक्रिया वेळेत पूर्ण न केल्यास पगार, गुंतवणूक आणि टॅक्स व्यवहार अडकतील, तसेच पॅन कार्ड निष्क्रिय होईल.
म्हणूनच, आजच आपला आधार–पॅन लिंक करून आर्थिक अडचणींपासून वाचवा!
