पुणे प्रतिनिधी
गंभीर गुन्ह्यांतील आरोपी पुण्यातील ससून रुग्णालयामध्ये उपचार सुरू असताना पळाला असल्याची माहिती समोर आली आहे. संतोष सचिन साठे असं पळून गेलेल्या आरोपीचे नाव आहे.
आरोपी साठे याच्याविरोधात कराड पोलीस स्थानकामध्ये 354 अन्वे गुन्हा दाखल आहे. साठे याच्यावर सध्या पुण्याच्या असून रुग्णालयात वैद्यकीय उपचार सुरू होते. उपचार सुरू असताना पोलिसांचा देखदेखीखाली असलेला साठे सकाळी ससून रुग्णालयातून पळाला, याप्रकरणी आरोपी संतोष साठे विरोधात बंडगार्डन पोलिसात गुन्हा दाखल करण्यात आला आहे. यामुळे पुन्हा एकदा कायदा सुव्यस्थेबाबत प्रश्नचिन्ह निर्माण केलं जात आहे.
या आधी आरोपी ललित पाटील पळाला
ड्रग्स माफिया ललित पाटील 2023 मध्ये पुण्यातील ससूनमधून पळून गेला होता. त्यानंतर देखील पुणे पोलिस आणि प्रशासनावर मोठ्या प्रमाणावर आरोप प्रत्यारोप झाले होते, या प्रकरणी कारवाई देखील झाली होती. तरीदेखील आरोपी पळून जाणं सुरूच असल्याचं दिसत आहे. आता देखील पोलिसांच्या देखरेखीखाली उपचार सुरू असताना गंभीर गुन्ह्यातील आरोपी पळाला असल्याची माहिती समोर आली आहे. याआधी देखील या ठिकाणी उपचार सुरू असणारे आरोपी पळून गेल्याची माहिती आहे.
