सातारा प्रतिनिधी
भारतरत्न डॉ. बाबासाहेब आंबेडकर स्वाधार योजना 2024-25 . या योजनेचे अर्ज ऑनलाइन पोर्टलद्वारे भरण्यास 15 मार्चपर्यंत मुदतवाढ देण्यात आली आहे.
यापूर्वी स्वाधार योजनेसाठी अर्ज केलेल्या विद्यार्थ्यांसाठी बँक तपशील भरण्याबाबत टॅब उपलब्ध करून देण्यात आला आहे.त्यानुसार संबंधित विद्यार्थ्यांनी बँक तपशील तात्काळ भरावेत.
ज्या विद्यार्थ्यांनी ऑनलाइन अर्ज भरले आहेत; परंतु अर्ज आणि त्यासोबत आवश्यक कागदपत्रांच्या छायांकित प्रती अद्याप सादर केलेल्या नाहीत, अशा विद्यार्थ्यांनी सर्व कागदपत्रे सहाय्यक आयुक्त, समाजकल्याण, सातारा कार्यालयात किंवा तालुक्याच्या मुलांमुलींच्या शासकीय वसतिगृहात सादर करावेत, असे आवाहन समाज कल्याणचे सहाय्यक आयुक्त सुनील जाधव यांनी केले आहे.
