पत्रकार उमेश गायगवळे
टुंगा रेल्वे स्थानक आणि भांडारकर मार्गावरील फुल बाजार परिसरातील ५२ अनधिकृत दुकानांवर बृहन्मुंबई महानगरपालिकेच्या एफ (उत्तर) विभागाच्या वतीने आज निष्कासनाची कारवाई करण्यात आली.
उप आयुक्त (परिमंडळ-२) प्रशांत सपकाळे, एफ (उत्तर) विभागाचे सहायक आयुक्त नितीन शुक्ला यांच्या नेतृत्वात ही कारवाई करण्यात आली. माटुंगा रेल्वे स्थानक आणि भांडारकर मार्गावरील फुल बाजार परिसरात पदपथ आणि रस्त्यांवर अतिक्रमण तसेच अनधिकृत बांधकाम होत असल्याचे निदर्शनास आले होते. या पार्श्वभूमीवर, एफ (उत्तर) विभागाच्या वतीने निष्कासन मोहीम हाती घेण्यात आली. या अंतर्गत सुमारे ३०० मीटर परिसरातील अनधिकृत २२ दुकाने तसेच अतिक्रमण करण्यात आलेली ३० दुकाने निष्कासित करण्यात आली. परिसरातील अनधिकृत फेरीवाल्यांवरही कारवाई करण्यात आली. या कारवाईसाठी सुमारे १०५ मनुष्यबळासह २ जेसीबी व ६ डंपर आणि २ अन्य वाहने तैनात करण्यात आली होती. तसेच पुरेसा पोलिस बंदोबस्त तैनात होता.
