सातारा प्रतिनिधी
महाबळेश्वर : गिरिस्थान प्रशाला व कनिष्ठ महाविद्यालयाच्या विद्यार्थ्यांनी शासकीय चित्रकला ग्रेड परीक्षेत 100 टक्के निकालासह गौरवशाली यश मिळवले. एलिमेंटरी व इंटरमिजिएट ग्रेड परीक्षेत सर्व विद्यार्थ्यांनी उच्च श्रेणी मिळवत शाळेचा नावलौकिक वाढवला आहे.
इंटरमिजिएट परीक्षेत दहावीतील ऋग्वेदी संतोष आखाडे, रिया दत्तात्रय कांबळे, समृद्धी तुकाराम सकपाळ, सिद्धी संतोष चोरगे, स्नेहल पंढरीनाथ जाधव, स्वप्नाली भाऊ बोराणे, वेदश्री सुनील शिंदे आणि नववीमधील जयदीप सूर्यकांत शिंदे यांनी ए श्रेणी प्राप्त केली.
आठवीतील प्राजक्ता पंढरीनाथ जाधव व स्वप्नील भाऊ बोराणे यांनीही ए श्रेणी मिळवत आपली कामगिरी सिद्ध केली. चित्रकला प्राविण्य गुणांमुळे दहावीच्या विद्यार्थ्यांना शैक्षणिक प्रगतीसाठी वाढीव गुणांचा लाभ होणार आहे.
महाबळेश्वर गिरिस्थान नगरपरिषदेचे मुख्याधिकारी योगेश बाळकृष्ण पाटील, मुख्य लिपिक आबाजी ढोबळे, प्रशालेचे मुख्याध्यापक पी. आर. माने, ज्येष्ठ शिक्षक एस. एन. शिंदे व एच. आर. अवघडे, ज्येष्ठ शिक्षिका सौ. आर. व्ही. बगाडे, मार्गदर्शक कलाशिक्षक पी. आर. कानडे आणि शिक्षक व शिक्षकेतर कर्मचाऱ्यांनी विद्यार्थ्यांचे अभिनंदन केले.
