नगरपालिका निवडणुका, ‘मतदानाची वेळ बदलली; निवडणूक यंत्रणा सज्ज

मुंबई प्रतिनिधी

राज्यातील नगरपालिका निवडणुकांची रणधुमाळी आता अंतिम टप्प्यात आली असून मतदानाच्या वेळेत छोटासा बदल करण्यात आला आहे. २ डिसेंबर रोजी होणाऱ्या नगरपरिषद आणि नगरपंचायतींच्या सार्वत्रिक निवडणुकीसाठी राज्य निवडणूक आयोग पूर्णतः सज्ज झाला आहे.

या निवडणुकांमध्ये एकूण 1 कोटी 7 लाख 3 हजार 576 मतदार आपला मतदानाचा हक्क बजावणार असून सुमारे 13 हजार 355 मतदान केंद्रांची उभारणी करण्यात आली आहे. यासाठी ईव्हीएम मशीनची व्यापक सोय केली असून 13,726 कंट्रोल युनिट्स आणि 27,452 बॅलेट युनिट्स उपलब्ध करून देण्यात आल्या आहेत.

२ डिसेंबरला मतदान, बदललेली वेळ महत्वपूर्ण

नगरपालिका निवडणुकीसाठी सकाळी 7.30 ते सायंकाळी 5.30 अशी मतदानाची वेळ निश्चित करण्यात आली आहे. यापूर्वीच्या निवडणुकांच्या तुलनेत वेळेत झालेले हे बदल मतदारांची गैरसोय टाळण्यासाठी आणि सुचारू व्यवस्थेसाठी करण्यात आल्याचे आयोगाने स्पष्ट केले.
मतमोजणी ३ डिसेंबर रोजी सकाळी 10 वाजता सुरू होईल.

दुबार नावांवर ‘डबल स्टार’; दोन्ही ठिकाणी मतदानाला बंदी

मतदार यादी सुधारण्यासाठी आयोगाने यंदा विशेष पाऊल उचलले आहे.
मतदार यादीतील संभाव्य दुबार नावांपुढे () असे डबल स्टार चिन्ह असेल.
ज्या मतदारांच्या नावासमोर हे चिन्ह असेल, त्यांनी कोणत्या केंद्रावर मतदान करणार याची पूर्वकल्पना द्यावी लागणार आहे. एकाच मतदाराकडून दोन ठिकाणी मतदान होणार नाही यासाठी आयोगाने काटेकोर उपाययोजना केली आहे.

निवडणूक कर्मचारी आणि अधिकारी मोठ्या संख्येने तैनात

या निवडणुकांसाठी राज्यभरात

288 निवडणूक निर्णय अधिकारी

288 सहायक निर्णय अधिकारी
तर

एकूण 66,775 कर्मचारी व अधिकारी
तैनात करण्यात आले आहेत.

राज्याचा मतदारवर्ग

पुरुष मतदार : 53,79,931

महिला मतदार : 53,22,870

इतर : 775

एकूण : 1,07,03,576

विभागनिहाय नगरपरिषद/नगरपंचायती

कोकण विभाग (एकूण 27)

पालघर–4 • रायगड–10 • रत्नागिरी–7 • सिंधुदुर्ग–4 • ठाणे–2

नाशिक विभाग (एकूण 49)

अहिल्यानगर–12 • धुळे–4 • जळगाव–18 • नंदूरबार–4 • नाशिक–11

पुणे विभाग (एकूण 60)

कोल्हापूर–13 • पुणे–17 • सांगली–8 • सातारा–10 • सोलापूर–12

छत्रपती संभाजीनगर विभाग (एकूण 52)

संभाजीनगर–7 • बीड–6 • धाराशिव–8 • हिंगोली–3 • जालना–3 • लातूर–5 • नांदेड–13 • परभणी–7

अमरावती विभाग (एकूण 45)

अमरावती–12 • अकोला–6 • बुलढाणा–11 • वाशीम–5 • यवतमाळ–11

नागपूर विभाग (एकूण 55)

भंडारा–4 • चंद्रपूर–11 • गडचिरोली–3 • गोंदिया–4 • नागपूर–27 • वर्धा–6

राज्यातील 288 नगरपरिषद व नगरपंचायतींसाठी ही निवडणूक होत असून थेट अध्यक्षपदाची निवडही होत असल्याने राजकीय वातावरण तापले आहे. बदललेल्या वेळेचा आणि सुरळीत व्यवस्थेचा फायदा घेत मतदारांनी मोठ्या संख्येने मत.दान करावे, अशी अपेक्षा आयोगाने व्यक्त केली आहे.