मुंबई प्रतिनिधी
वांद्रे | वाढदिवस हा आनंदाचा क्षण असतो, पण त्या आनंदाला अर्थ प्राप्त होतो तो जेव्हा तो इतरांच्या चेहऱ्यावर हास्य आणतो. शिवसेना वांद्रे विभाग प्रमुख कुणाल सरमळकर यांनी आपल्या वाढदिवसानिमित्त ९ नोव्हेंबर २०२५ रोजी हीच भावना कृतीत उतरवत समाजासमोर मानवीतेचा अनोखा आदर्श ठेवला.
“सेवा हीच खरी पूजा, सामाजिक बांधिलकी हीच खरी जबाबदारी,” या विचारांनी प्रेरित होऊन सरमळकर यांनी वी. एन. देसाई हॉस्पिटल, भाभा हॉस्पिटल, आणि कूपर हॉस्पिटल येथील रुग्णांना तसेच त्यांच्या नातेवाईकांना फळांचे वाटप केले. रुग्णांच्या चेहऱ्यावर उमटलेलं स्मित आणि त्यांच्या डोळ्यांतील कृतज्ञतेचा भाव,हीच त्यांच्या वाढदिवसाची खरी भेट ठरली.
या उपक्रमात समाजसेविका पल्लवी सरमळकर यांनीही सक्रिय सहभाग घेतला. त्यांनी रुग्णालयांतील रुग्णांना फळांचे वाटप करत म्हणाल्या, “वाढदिवसाचा समारंभ फुगे, केक आणि रोषणाईत न साजरा करता, रुग्ण आणि गरजू जनतेच्या चेहऱ्यावर आनंद फुलवणं, हीच खरी प्रेरणा, हीच खरी सेवा.”
याच दिवशी विभाग क्रमांक ७ मधील सरमळकर यांच्या कार्यकर्त्यांनीही सामाजिक बांधिलकीचा ध्यास घेत शेकडो गरजू कुटुंबांना जीवनावश्यक वस्तूंचे वाटप केले. हा उपक्रम केवळ मदतीचा नव्हता, तर समाजातील वंचित घटकांप्रती असलेली जबाबदारी आणि आपुलकी व्यक्त करण्याचा एक संवेदनशील प्रयत्न होता.
या सर्व उपक्रमात सहभागी होऊन ते यशस्वी करणाऱ्या कार्यकर्त्यांचे मनापासून आभार मानत कुणाल सरमळकर म्हणाले,
“या वर्षीचा वाढदिवस वेगळ्या पद्धतीने साजरा केला. कारण मला वाटतं, लोकांच्या आयुष्यात थोडा आनंद निर्माण करणं हेच आयुष्याचं खरं यश आहे.”
मानवीतेची ही झळाळी आणि सेवाभावाचा हा संदेश वांद्रे परिसरात नव्या ऊर्जेचा किरण ठरला आहे.
