सातारा प्रतिनिधी
सार्वजनिक बांधकाम मंत्री शिवेंद्रसिंहराजे भोसले हे सोमवारी दि.३ दुपारी ३ वाजता पंचायत समिती जावली (मेढा) येथे जावली तालुका विकास गटाकडील शासकीय विभागांच्या योजनांचा, विविध विकास कामांचा आढावा घेणार आहेत.
आगामी काळात प्रस्तावित करावयाच्या विकास कामांचा आढावा यावेळी घेतला जाणार आहे. या सभेसाठी जिल्हा स्तरावरील सर्व यंत्रणांचे प्रमुख तसेच जावली तालुका स्तरावरील सर्व विभागांचे अधिकारी व संबंधित कर्मचारी उपस्थित राहणार आहेत.
या आढावा सभेस जावली तालुक्यातील जिल्हा परिषद, पंचायत समितीचे सर्व आजी माजी अधिकारी,पदाधिकारी, सर्व ग्रामपंचायतीचे सरपंच, उपसरपंच, सदस्य, ग्रामपंचायत स्तरावरील सर्व संस्थांचे अधिकारी, पदाधिकारी व नागरिकांनी उपस्थित राहावे, असे आवाहन प्रशासनामार्फत करण्यात आले आहे.
