मुंबई प्रतिनिधी
महाराष्ट्र शासनाने 2026 या वर्षासाठीच्या सार्वजनिक सुट्ट्यांची अधिसूचना जारी केली असून राज्यातील सर्व शासकीय कार्यालयांसाठी 24 सार्वजनिक सुट्ट्यांना मंजुरी देण्यात आली आहे. यावर्षीची खास बाब म्हणजे भाऊबीज (11 नोव्हेंबर 2026, बुधवार) रोजी अतिरिक्त सार्वजनिक सुट्टी जाहीर करण्यात आली आहे. सामान्य प्रशासन विभागाने याबाबतचा आदेश प्रसिद्ध केला.
जाहीर केलेल्या सुट्ट्या केवळ शासकीय कार्यालयांपुरत्याच मर्यादित नसून, राज्य शासनाचे उपक्रम, महानगरपालिका, नगरपरिषद, नगरपंचायत, जिल्हा परिषद, पंचायत समित्या आणि ग्रामपंचायती यांना लागू राहणार आहेत.
1 एप्रिलला बँकांना स्वतंत्र सुट्टी
याशिवाय, 1 एप्रिल 2026 (बुधवार) हा दिवस वार्षिक लेखापरीक्षणासाठी फक्त बँकांसाठी सुट्टी म्हणून घोषित करण्यात आला आहे.
2026 साठी जाहीर करण्यात आलेल्या सार्वजनिक सुट्ट्यांची यादी
* प्रजासत्ताक दिन – 26 जानेवारी, सोमवार
* महाशिवरात्री – 15 फेब्रुवारी, रविवार
* छत्रपती शिवाजी महाराज जयंती – 19 फेब्रुवारी, गुरुवार
* होळी (दुसरा दिवस) – 3 मार्च, मंगळवार
* गुढीपाडवा – 19 मार्च, गुरुवार
रमझान ईद – 21 मार्च, शनिवार
* रामनवमी – 26 मार्च, गुरुवार
* महावीर जयंती – 31 मार्च, मंगळवार
* गुड फ्रायडे – 3 एप्रिल, शुक्रवार
डॉ. बाबासाहेब आंबेडकर जयंती – 14 एप्रिल, मंगळवार
* महाराष्ट्र दिन / बुद्ध पौर्णिमा – 1 मे, शुक्रवार
* बकरी ईद – 28 मे, गुरुवार
* मोहरम – 26 जून, शुक्रवार
* स्वातंत्र्य दिन / पारशी नववर्ष दिन – 15 ऑगस्ट, शनिवार
* ईद ए मिलाद – 26 ऑगस्ट, बुधवार
* गणेश चतुर्थी – 14 सप्टेंबर, सोमवार
* महात्मा गांधी जयंती – 2 ऑक्टोबर, शुक्रवार
* दसरा – 20 ऑक्टोबर, मंगळवार
* दिवाळी (लक्ष्मीपूजन) – 8 नोव्हेंबर, रविवार
* दिवाळी (बलिप्रतिपदा) – 10 नोव्हेंबर, मंगळवार
* गुरुनानक जयंती – 24 नोव्हेंबर, मंगळवार
* ख्रिसमस – 25 डिसेंबर, शुक्रवार
* भाऊबीजेसाठी अतिरिक्त सुट्टी
11 नोव्हेंबर 2026 (बुधवार) रोजी भाऊबीजेला विशेष अतिरिक्त सुट्टी देण्याचा निर्णय राज्य सरकारने घेतला असून, यंदाच्या सुट्टी यादीतील हा सर्वात महत्त्वाचा निर्णय मानला जात आहे.
राज्य शासनाच्या या अधिसूचनेमुळे 2026 मधील सण-उत्सवांचे नियोजन अधिक स्पष्ट झाले असून, नागरिक, शासकीय कर्मचारी आणि बँक कर्मचारी यांना सुट्ट्यांचे नियोजन करण्यास मदत होणार आहे.
