बारामती प्रतिनिधी
प्रशासकीय निकड आणि जनहित लक्षात घेऊन पुणे जिल्ह्यातील १५ पोलिस निरीक्षक आणि सहायक पोलिस निरीक्षकांच्या बदल्या करण्यात आल्या आहेत. पुणे जिल्ह्याचे पोलिस अधीक्षक संदीपसिंह गिल यांनी या बदल्यांचे आदेश जारी केले असून, संबंधित अधिकाऱ्यांना बदलीच्या ठिकाणी तात्काळ हजर राहण्याचे निर्देश देण्यात आले आहेत.
आगामी स्थानिक स्वराज्य संस्थांच्या निवडणुकीच्या पार्श्वभूमीवर या बदल्या करण्यात आल्याची चर्चा आहे. काही अधिकाऱ्यांचा दोन वर्षांचा कार्यकाळ पूर्ण झाला नसला, तरी प्रशासकीय गरज आणि जनहिताचा विचार करून त्यांना मुदतपूर्व बदली देण्यात आली आहे. या बदल्या तात्पुरत्या स्वरूपात पुढील आदेशापर्यंत लागू राहणार आहेत.
बदली झालेल्या अधिकाऱ्यांची यादी पुढीलप्रमाणे:
• पोलिस निरीक्षक अभिजीत सुभाष देशमुख — परकीय नागरिक नोंदणी कक्ष, पुणे ग्रामीण → वडगाव मावळ पोलीस ठाणे
• पोलिस निरीक्षक वैशाली रावसाहेब पाटील — बारामती तालुका → हवेली पोलीस ठाणे
• पोलिस निरीक्षक शंकर मनोहर पाटील — उरळीकांचन → कामशेत पोलीस ठाणे
• पोलिस निरीक्षक चंद्रशेखर यादव — बारामती वाहतूक शाखा → बारामती तालुका पोलीस ठाणे
• पोलिस निरीक्षक श्रीशैल रामचंद्र चिवडशेट्टी — नियंत्रण कक्ष, पुणे ग्रामीण → बारामती वाहतूक शाखा
• पोलिस निरीक्षक ऋषिकेश भाऊसाहेब अधिकारी — सासवड पोलीस ठाणे → नियंत्रण कक्ष, पुणे ग्रामीण
• सहायक पोलिस निरीक्षक नितीन हनुमंत खामगळ — वेल्हा → नियंत्रण कक्ष, पुणे ग्रामीण
• सहायक पोलिस निरीक्षक प्रविण महादेव सपांगे — यवत → नारायणगाव पोलीस ठाणे
* सहायक पोलिस निरीक्षक किशोर विठ्ठल शेवते वाचक, अतिरिक्त पोलिस अधीक्षक कार्यालय, पुणे वेल्हा पोलीस ठाणे
• सहायक पोलिस निरीक्षक गजानन रतन चेके वाचक, उपविभागीय पोलिस अधिकारी कार्यालय, बारामती नीरा-नृसिंहपूर पोलीस ठाणे (नियोजित ठाणे कार्यान्वित झाल्यानंतर)
सदर बदली आदेशानुसार सर्व अधिकाऱ्यांनी नवीन ठिकाणी त्वरित रुजू होण्याचे आदेश पोलिस अधीक्षकांनी दिले आहेत. प्रशासनिक पुनर्रचनेचा भाग म्हणून करण्यात आलेल्या या बदल्यांमुळे जिल्ह्यातील काही संवेदनशील ठिकाणी पोलिस व्यवस्थेत नवी ताकद मिळणार असल्याचे मानले जात आहे.
