मथुरा :
देशभरात करवा चौथचा सण पतीच्या दीर्घायुष्यासाठी श्रद्धेने साजरा होत असतानाच उत्तर प्रदेशातील मथुरा येथे मात्र एका कौटुंबिक वादाने वेगळेच नाट्यमय वळण घेतले. करवा चौथच्या दिवशी पत्नी कथित प्रियकराला भेटण्यासाठी गेल्याची माहिती मिळताच पतीने नातेवाईकांसह घटनास्थळी धाव घेतली. पत्नीला दुसऱ्या तरुणासोबत पाहिल्यानंतर सुरू झालेला वाद काही क्षणांतच हाणामारीपर्यंत पोहोचला. विशेष म्हणजे, या वादात कुटुंबातील महिलाही एकमेकींना भिडल्या. या संपूर्ण प्रकाराचा व्हिडीओ सोशल मीडियावर व्हायरल झाला असून परिसरात या घटनेची जोरदार चर्चा सुरू आहे.
मथुरा, उत्तर प्रदेश में चार बच्चों की माँ अपने प्रेमी के साथ कमरे के अंदर करवा चौथ मना रही थी। पति ने रंगे हाथ पकड़ लिया। पति अपने परिवार को लेकर पहुंचा था तो देवरानी-जेठानी के बीच लात-घूंसे चल गए।
युवक की शादी करीब 15 साल पहले धौलपुर की अंजू से हुई थी। दोनों के चार बच्चे हैं।… pic.twitter.com/qudcGHryCe
— Madan Mohan Soni (@madanmohansoni) October 30, 2026
पत्नीला प्रियकरासोबत पाहताच पतीचा संताप
मिळालेल्या माहितीनुसार, मथुरेतील हायवे पोलीस ठाण्याच्या हद्दीतील वसंत विहार कॉलनीमध्ये गुरुवारी (२९ ऑक्टोबर) रात्री हा प्रकार घडला. छटीकरा येथील रहिवासी मनोज याला त्याची पत्नी अंजू ही संजय उर्फ गीतम या तरुणाला भेटण्यासाठी वसंत विहार कॉलनीत गेल्याची माहिती मिळाली. यानंतर मनोज आपल्या कुटुंबीयांसह घटनास्थळी पोहोचला. तेथे पत्नीला कथित प्रियकरासोबत पाहिल्यानंतर त्याने जाब विचारण्यास सुरुवात केली. त्यामुळे परिसरात एकच गोंधळ उडाला.
देवराणी-जाऊबाईंची रस्त्यावरच हाणामारी!
सुरुवातीला पती-पत्नीमध्ये शाब्दिक वाद झाला. मात्र, काही वेळातच दोन्ही बाजूंचे नातेवाईक या वादात सहभागी झाले. त्यानंतर कुटुंबातील महिलांमध्येही जोरदार बाचाबाची सुरू झाली. या वादाचे रूपांतर हाणामारीत झाले. देवराणी आणि जाऊबाई एकमेकींच्या अंगावर धावून गेल्या. एकमेकींचे केस ओढणे, लाथाबुक्क्यांनी मारहाण करणे असे प्रकार घडले. उपस्थितांनी मध्यस्थी करण्याचा प्रयत्न केला; मात्र बराच वेळ गोंधळ सुरू होता. या घटनेचा व्हिडीओ सोशल मीडियावर व्हायरल झाल्यानंतर प्रकरणाला अधिक प्रसिद्धी मिळाली.
पोलिसांना पाहताच कथित प्रियकर पसार
घटनेची माहिती मिळताच हायवे पोलीस घटनास्थळी दाखल झाले. पोलिसांना पाहताच संजय उर्फ गीतम याने तेथून पळ काढल्याचे वृत्त आहे. दुसरीकडे, पती-पत्नीमधील वाद वाढत असल्याचे लक्षात घेऊन पोलिसांनी मनोज आणि अंजू या दोघांनाही पोलीस ठाण्यात आणले. त्यांच्याकडून घटनेची माहिती घेण्यास सुरुवात करण्यात आली.
१५ वर्षांपूर्वी झाले होते लग्न; चार मुलं असल्याचा दावा
मनोज आणि अंजू यांचे सुमारे १५ वर्षांपूर्वी लग्न झाले असून त्यांना चार मुले आहेत. पत्नी चार मुलांना घरी सोडून कथित प्रियकराला भेटण्यासाठी गेली होती, असा आरोप मनोजने केला आहे. यापूर्वीही पत्नीला संबंधित तरुणासोबत पकडल्याचा दावा त्याने केला आहे.
दरम्यान, काही वृत्तांनुसार मनोज आणि अंजू यांच्यातील वैवाहिक वाद न्यायालयापर्यंत पोहोचला असून घटस्फोटासंदर्भातील प्रकरणही प्रलंबित आहे. त्यामुळे या घटनेमागे केवळ कथित प्रेमसंबंधांचा वाद नसून आधीपासून सुरू असलेल्या कौटुंबिक संघर्षाची पार्श्वभूमी असल्याचेही समोर येत आहे.
पोलिसांकडून तपास सुरू; पुढील कारवाईकडे लक्ष
या प्रकरणात हायवे पोलीस ठाण्याचे प्रभारी अरविंद कुमार निर्वाल यांनी तपास सुरू असल्याची माहिती दिल्याचे वृत्त आहे. पती-पत्नीची बाजू, घटनास्थळावरील मारहाणीचा व्हिडीओ आणि संबंधित व्यक्तींचे जबाब यांच्या आधारे पुढील कारवाई केली जाणार आहे. मात्र, या प्रकरणात गुन्हा दाखल झाला आहे का, तसेच कथित प्रियकराविरोधात कोणती कारवाई होणार, याबाबत अद्याप अधिकृत तपशील स्पष्ट झालेला नाही.
करवा चौथच्या दिवशी घडलेल्या या प्रकारामुळे मथुरेतील वसंत विहार कॉलनी चर्चेत आली असून सोशल मीडियावरही या घटनेची जोरदार चर्चा सुरू आहे.
