मुंबई प्रतिनिधी
सांताक्रुझ पुर्व येथील व्हि.एन.देसाई महापालिकेच्या रुग्णालयाला खा वर्षाताई गायकवाड यांनी भेट देऊन अनेक वार्ड रुग्णालयातील स्वच्छतागृह यांची पाहणी करण्यात आली या दरम्यान अनेक त्रुटी तसेच अस्वच्छतेचे साम्राज्य दिसून आल्याने वर्षाताई गायकवाड यांनी संताप व्यक्त केला.
डॉक्टर रुग्णसेवा करतात की उपकार असे इथले वातावरण आहे. महापालिका रुग्णालयात गरीब कुटुंबातील लोक येतात म्हणून त्यांच्या अंगावर ओरडणे,नीट आरोग्यसेवा न देणे, बेड उपलब्ध असूनही त्यांना रुग्णालयाच्या पॅसेज मध्ये झोपायला लावणे अशा अनेक गोष्टी आज माझ्या नजरेस आल्या. आजारी असलेल्या रुग्णांशी सौजन्याने वागले जात नाही, रुग्णालयातील अनेक खोल्या, स्वच्छतागृह एक वर्ष बंद करून ठेवण्यात आल्या आहेत ज्यामुळे असुविधा होत आहे. गळणारी छप्पर, तुंबलेली शौचालय, पाण्याचा अभाव यामुळे महिलांना विशेषत, जास्त त्रासाला सामोरे जावं लागत असल्याने वर्षाताई गायकवाड यांनी नाराजी व्यक्त केली
रुग्णांना कोणत्या अवस्थेत ठेवले जात आहे हे पाहण्यासाठी महापालिका आयुक्तांनी स्वतः उपनगरीय रुग्णालयांना भेट दिली पाहिजे. वारंवार तक्रारी करून देखील गोष्टी सुधारल्या का जात नाहीत? रुग्णालयाची अवस्था खराब ठेवून त्यांचे खासगीकरण करण्याचा हा घाट दिसतोय.
महापालिकेच्या रुग्णालयांमध्ये मूलभूत सुविधांचाही अभाव असल्याने, गरीब रुग्णांना खासगी रुग्णालयांमध्ये जावे लागत आहे.
सांताक्रुज येथील व्हि.एन.देसाई रुग्णालय सर्वसाधारण रुग्णालय हे खार वांद्रे सांताक्रुज भागातील सर्वसामान्य नागरिकांना सोयीचे जवळचे रुग्णालय असल्याकारणाने येथे प्रचंड गर्दी असते.
मुंबईतील सर्व सरकारी रुग्णालयांच्या कामकाजाची संपूर्ण चौकशी व्हावी आणि तातडीने उपाययोजना कराव्यात, अशी मागणी वर्षाताई गायकवाड यांनी केली आहे. रुग्णालयातील अवस्थेसाठी मुंबई महापालिकेला जबाबदार धरले पाहिजे.असे ते म्हणाल्या.
