मुंबई प्रतिनिधी
महाराष्ट्रातील स्थानिक स्वराज्य संस्थांच्या निवडणुकांची लगबग सुरू असताना राज्यभरात धक्कादायक चित्र समोर आले आहे. नगरपरिषद आणि नगरपंचायतींच्या निवडणुकांसाठी उमेदवारी अर्ज दाखल करण्याची अंतिम तारीख पार पडताच अनेक ठिकाणी ‘घराणेशाही’चे उघड दर्शन घडले आहे. पक्षांनी स्थानिक नेत्यांना दिलेल्या स्वातंत्र्याचा सर्रास गैरवापर करून आमदार, खासदार आणि मंत्र्यांनी आपल्या घरातील सदस्यांनाच उमेदवारी दिल्याचे दिसून येते.
कार्यकर्त्यांच्या निवडणुका म्हणून ओळखल्या जाणाऱ्या या निवडणुकांमध्ये पक्षातील निष्ठावान कार्यकर्त्यांना संधी मिळेल, अशी अपेक्षा असताना नेत्यांच्या कुटुंबीयांनी ‘तूपाशी’, तर कार्यकर्त्यांनी ‘उपाशी’ राहिल्याची नाराजी व्यक्त होत आहे.
कोण कोण आपल्या घरातील लोकांना उमेदवारी दिली? पाहा संपूर्ण यादी
1. जामनेर – साधना महाजन (मंत्री गिरीश महाजन यांच्या पत्नी)
2. भुसावळ – रजनी सावकारे (मंत्री संजय सावकारे यांच्या पत्नी)
3. पुसद – मोहिनी नाईक (राज्यमंत्री इंद्रनील नाईक यांच्या पत्नी)
4. मुक्ताईनगर – संजना पाटील (मंत्री चंद्रकांत पाटील यांची मुलगी)
5. चाळीसगाव – प्रतिभा चव्हाण (आमदार मंगेश चव्हाण यांच्या पत्नी)
6. पाचोरा – सुनिता पाटील (आमदार किशोर पाटील यांच्या पत्नी)
7. पाचोरा – सुचिता वाघ (माजी आमदार दिलीप वाघ यांच्या पत्नी)
8. खामगाव – अर्पणा फुंडकर (मंत्री आकाश फुंडकर यांच्या वहिणी)
9. यवतमाळ – प्रियदर्शनी उईके (मंत्री अशोक उईके यांची मुलगी)
10. फलटण – अनिकेत नाईक-निंबाळकर (रामराजे नाईक-निंबाळकर यांचा मुलगा) – नगराध्यक्षपद
11. फलटण – समशेर सिंह (रणजीतसिंह निंबाळकर यांचा भाऊ) – नगराध्यक्षपद
12. सिल्लोड – समीर सत्तार (आमदार अब्दुल सत्तार यांचा मुलगा) – नगराध्यक्षपद
13. हिंगोली – रेखा श्रीराम बांगर (आमदार संतोष बांगर यांची वहिणी) – नगराध्यक्षपद
14. हिंगोली – आमदार बांगर यांचा भाऊ – नगरसेवकपद
15. पैठण – अनिल घोडके (माजी आमदार चंद्रकांत घोडके यांचा मुलगा) – नगरसेवक
16. गंगापूर – ऋषिकेश पाटील (माजी आमदार कैलास पाटील यांचा मुलगा) – नगराध्यक्ष
17. जिंतूर – भांबळे कुटुंबातील पुतण्या
18. सेलू – संदीप लहाने (माजी आमदार हरिभाऊ लहाने यांचा मुलगा) – नगरसेवक
19. परतूर – निलम जेथलिया (माजी आमदार सुरेशकुमार जेथलिया यांच्या पत्नी) – नगरसेवक
20. अंबड – उज्ज्वल कुचे (आमदार नारायण कुचे यांचे पुतणे)
21. बीड – गीता पवार (लक्ष्मण पवार यांच्या भावजय)
22. गेवराई – भालचंद्र कुलकर्णी कुटुंबातील तीन सदस्य
23. सोनपेठ – सारीका भोसले (आमदार राजेश विटेकर यांच्या वहिणी)
24. जालना – विश्वजीत खरात (माजी आमदार विलास खरात यांचे पुत्र)
25. बीड – डॉ. सारिका क्षीरसागर (डॉ. योगेश क्षीरसागर यांच्या पत्नी) – नगरसेवकपद
26. अंबाजोगाई – नंदकिशोर मुंदडा (आमदार नमिता मुंदडा यांचे सासरे) – नगराध्यक्षपद
27. गंगाखेड – उर्मिला केंद्रे (आमदार धनंजय मुंडे यांची भगिनी) – नगराध्यक्षपद
28. दोंडाई – नयनकुमार रावल (मंत्री जयकुमार रावल यांच्या आई) – नगराध्यक्षपद
29. अकोट – नलिनी भारसाकळे (आमदार प्रकाश भारसाकळे यांच्या पत्नी) – नगराध्यक्षपद
30. बुलडाणा – पूजा गायकवाड (आमदार संजय गायकवाड यांच्या पत्नी)
31. अकोट – अलका बोडके (माजी मंत्री रामदास बोडके यांच्या सुनबाई) – नगराध्यक्षपद
32. बाळापूर – रजिया बेगम खातीब (नातिकोद्दीन खातीब यांच्या पत्नी)
33. देवळाली – शोभा तडस (माजी खासदार रामदास तडस यांच्या पत्नी) – नगराध्यक्षपद
34. अक्कलकोट – मिलन शेट्टी (आमदार सचिन कल्याण शेट्टी यांचे भाऊ) – नगराध्यक्षपद
