विषाणूबाबत नागरिकांनी घाबरून जाऊ नये-पुणे नूतन जिल्हाधिकारी जितेंद्र डुडी.

एच एम पी व्ही” हा विषाणू नवीन नाही. त्याबाबत नागरिकांनी घाबरून जाऊ नये. तथापि सतर्कता बाळगावी काळजी घ्यावी तसेच आरोग्य विभागाच्या सूचनांचे पालन करावे, असे आव्हान नूतन जिल्हाधिकारी जितेंद्र डुडी यांनी केले आहे.

जिल्हाधिकारी जितेंद्र डुडी यांनी HMPV विषाणूच्या अनुषंगाने जिल्हाधिकारी कार्यालयात (दि.८) रोजी आढावा घेतला.

या बैठकीस ससून सर्वच्या रुग्णालयाचे अधिष्ठाता डॉ. एकनाथ पवार, पुण्यश्लोक आहिल्यादेवी होळकर शासकीय वैद्यकीय महाविद्यालय व रुग्णालय बारामतीचे अधिष्ठाता डॉ. चंद्रकांत मस्के, जिल्हा शल्य चिकित्सक डॉ. नागनाथ यम्पल्ले, जिल्हा आरोग्य अधकारी डॉ सचिन देसाई, तसेच सर्व उपजिल्हा रुग्णालय, ग्रामीण रुग्णालयाचे वैद्यकीय अधीक्षक, तालुका आरोग्य अधिकारी, पुणे व पिंपरी चिंचवड महानगरपालिकेचे आरोग्य अधिकारी उपस्थित होते.

एच एम पी व्ही विषाणूच्या अनुषंगाने आरोग्य यंत्रणांनी सज्ज राहावे असे निर्देश देऊन जिल्हाधिकारी श्री डुडी म्हणाले हा विषाणू २००१ पासून माहिती मध्ये आहे. तथापि वैद्यकीय यंत्रणांनी सर्व वैद्यकीय अधिकारी व कर्मचाऱ्यांना या विषयाबाबत कसे उपचार करता येतील यासाठी अवगत करावे. सर्व आरोग्य संस्थेमध्ये किमान पुढील तीन महिने पुरेल इतका पुरेशा प्रमाणात औषध साठा उपलब्ध ठेवावा. व्हेंटिलेटर्स, ऑक्सीजन प्लॅट तसेच अन्य साधनसामग्री सूचित असल्याबाबत खात्री करावी. आवश्यक तेथे त्वरित दुरुस्ती करून घ्यावी. दैनिक सर्वेक्षण गुणवत्तापूर्ण व नियमित सुरू ठेवावे. दैनंदिन ग्रह भेटीमध्ये जनजागृती करावी. आवश्यक्यतेनुसार साबण व पाणी सॅनिटायझर चा वापर करावा.

यावेळी जिल्हा शल्य चिकित्सक डॉक्टर नागनाथ यम्पल्ले यांनी आरोग्य विभागाच्या तयारी बाबत सविस्तर माहिती दिली. तसेच पुणे जिल्ह्यात यंत्राध्यक्ष असल्याचे सांगितले.