मुंबई प्रतिनिधी
बृहन्मुंबई इलेक्ट्रिक सप्लाय अँड ट्रान्सपोर्ट प्रशासन १ जूनपासून मुंबई शहरात विविध मार्गांवर वातानुकूलित बस सेवा सुरू करत आहे. यासोबतच, दक्षिण मुंबई तसेच पूर्व व पश्चिम उपनगरांतील काही बस मार्ग बदलण्यात येणार आहेत.
गुरुवारी बेस्ट कडून या बदलांची अधिकृत घोषणा करण्यात आली.
मंत्रालय ते शिवाजी नगर टर्मिनस दरम्यान A-८ सेवा
सध्याचा ‘बस क्रमांक ८’ जो मंत्रालय ते शिवाजी नगर टर्मिनस दरम्यान धावत होता, आता एसी बसमध्ये रूपांतरित करण्यात आला असून ‘A-८’ या क्रमांकाने ओळखला जाईल. या मार्गावरील पहिली बस मंत्रालयातून सकाळी ८:०५ वाजता सुटेल, तर शेवटची बस रात्री १०:५० वाजता असेल.
महत्त्वाचे मार्ग बदल आणि नवीन AC सेवा
AC बस सुरू होणारे प्रमुख मार्ग:
मार्ग 44: काळाचौकी – वरळी
मार्ग 56: वरळी डेपो – वर्सोवा यारी रोड (फक्त रविवारी AC बस, इतर दिवशी non-AC)
मार्ग 125: नेव्ही नगर – वरळी डेपो
मार्ग 241: सांताक्रूझ – मालवणी (पूर्वी माहिम – मालवणी)
मार्ग A-25: कुर्ला डेपो – बॅकबे (आता सायन येथेच संपेल)
पश्चिम उपनगरांतील AC सेवा:
मार्ग 243: मालाड स्टेशन (पश्चिम) – जनकल्याण नगर
मार्ग 343: गोरेगाव स्टेशन (पूर्व) – फिल्म सिटी
मार्ग 344: गोरेगाव बस स्थानक (पूर्व) – संकल्प सोसायटी/नागरी निवारा प्रकल्प-४
नवीन AC सेवा सुरू होणारे मार्ग:
मार्ग 347: गोरेगाव बस स्थानक (पूर्व) – गोखुलधाम
मार्ग 452: गोरेगाव बस स्थानक (पूर्व) – मयूर नगर
मार्ग 459: मुलुंड रेल्वे स्थानक – मालवणी डेपो
मार्ग 602: कांजूरमार्ग – हिरानंदानी पवई
मार्ग 626: मालाड स्टेशन (पश्चिम) – भुजाले तलाव
ठाण्यासाठी नवीन AC सेवा – A-490
बेस्ट कडून मंत्रालय ते ठाणे बालकुम दरम्यान A-490 ही नवीन AC सेवा सुरू केली जात आहे. तसेच A-175 ही रिंग बस सेवा प्रातिक्षा नगर, अँटॉप हिल, वडाळा, खुदादाद सर्कल आणि पोर्तुगीज चर्चमार्गे धावेल.
बेस्ट प्रशासनाकडून प्रवाशांना अधिक चांगल्या व आरामदायी प्रवासासाठी ही सेवा सुरू केली जात असल्याचे सांगण्यात आले आहे. प्रवाशांनी नवीन वेळापत्रक आणि मार्गातील बदलांची माहिती लक्षपूर्वक पाहून प्रवास करावा, असे आवाहन करण्यात आले आहे.
