मुंबई प्रतिनिधी
मुंबईसह राज्यभरात आता होळी आणि धुलिवंदनाच्या सणाला लवकरच सुरुवात होणार आहे. येत्या १३ मार्च आणि १४ मार्च या दोन्हीही दिवशी होळी आणि धुलिवंदन साजरा केला जाणार आहे. होळी, रंगपंचमीला ‘ती’ गाणी वाजवाल तर होणार कारवाई; पोलिसांकडून नियमावली जारी, या पार्श्वभूमीवर आता मुंबई पोलिसांकडून नियमावली जारी करण्यात आली आहे.हे आदेश १२ मार्च २०२५ ते १८ मार्च २०२५ पर्यंत असणार आहेत.
या काळात अश्लील गाणी वाजवणे, अनोळखी लोकांवर रंग फेकणे आणि समाजात तेढ निर्माण करणारी कृत्ये टाळण्याचे आदेश देण्यात आले आहेत. मुंबईच्या पोलीस आयुक्तांकडून नुकतंचे एक प्रसिद्ध पत्रक जारी केले आहे. रमजानचा महिना लक्षात घेऊन ही खबरदारी घेतली जात आहे.
प्रसिद्धीपत्रकात काय?
होळी, धुलीवंदन आणि रंगपंचमी सण १२ मार्च २०२५ ते १८ मार्च २०२५ या कालावधीत साजरा केला जात आहे. सार्वजनिक ठिकाणी अंधाधुंदपणे रंगीत पाणी शिंपडणे आणि अश्लील बोलणे यामुळे जातीय तणाव आणि सार्वजनिक शांतता भंग होण्याची शक्यता असते. मी सार्वजनिक शांतता आणि सार्वजनिक सुरक्षितता राखण्यासाठी येथे नमूद केलेल्या काही कृत्यांना प्रतिबंधित करणे आवश्यक मानतो. त्यानुसार, पोलीस उपआयुक्त अकबर पठाण यांनी काही नियमावली जारी केली आहे.
अश्लील शब्द किंवा घोषणांचे सार्वजनिक उच्चारण किंवा अश्लील गाणी गाणे.हावभाव किंवा नक्कलचा वापर आणि चित्रे, चिन्हे, फलक किंवा इतर कोणत्याही वस्तू किंवा गोष्टींचे, प्रदर्शन किंवा प्रसार करणे ज्यामुळे कोणाचीही प्रतिष्ठा, सभ्यता किंवा नैतिकता दुखावते.पादचाऱ्यांवर रंगीत पाणी, रंग किंवा पावडर फवारणे किंवा फेकणे.
रंगीत किंवा साध्या पाण्याने किंवा कोणत्याही द्रवाने भरलेले फुगे तयार करणे आणि/किंवा फेकणे.
नियम मोडल्यास शिक्षा या आदेशांचे उल्लंघन केल्यास महाराष्ट्र पोलीस अधिनियम १९५१ च्या कलम १३५ नुसार कारवाई केली जाईल. नियमांचे उल्लंघन करणाऱ्यांना दंड आणि शिक्षा होऊ शकते. हे आदेश १२ मार्च २०२५ रोजी रात्री १२.०१ वाजता लागू होऊन १८ मार्च २०२५ रोजी रात्री १२.०० वाजेपर्यंत प्रभावी असतील.वृक्षतोड केल्यास दंड होळीच्या सणाच्या पार्श्वभूमीवर बृहन्मुंबई महानगरपालिकेने नागरिकांना वृक्षतोडीपासून परावृत्त केले आहे. अनधिकृत वृक्षतोड केल्यास १ हजार ते ५ हजार रुपयांपर्यंत दंड आणि एक आठवड्यांपासून एक वर्षापर्यंत कारावासाची शिक्षा होऊ शकते. त्यामुळे सण साजरा करताना कायदेशीर मर्यादांचे पालन करा. नियम मोडल्यास कठोर कारवाई केली जाईल, त्यामुळे सांस्कृतिक उत्सवाचा आनंद घेत असताना शिस्तीचे पालन करा असं आव्हान मुंबई पोलिसांनी केले आहे.
