पुणे प्रतिनिधी
पुणे शहरात एका दुचाकीस्वाराने पोलिसावर हल्ला केल्याची घटना घडली आहे. दुचाकी चालकाने पोलिसाच्या डोक्यात दगड घालून त्यांच्यावर हल्ला केला. या हल्ल्यात राजेश गणपत नाईक (वय ४७) हे पोलिस हवालदार जखमी झाले आहेत.
फुरसुंगीतील भेकराईनगर चौकात हा प्रकार घडला. या घटनेनंतर दुचाकीस्वार फरार झाला असून, संबंधित घटनेचा व्हिडिओ सोशल मीडियावर व्हायरल होत आहे.
जे राजेश नाईक यांनी दुचाकी चालवताना फोनवर बोलणाऱ्या व्यक्तीला अडवले होते. याचा राग आल्याने दुचाकीचालकाने रस्त्यात पडलेला दगड राजेश नाईक यांच्या डोक्यात मारला. यात राजेश नाईक गंभीर जखमी झाले आहेत. त्यांच्यावर रुग्णालयात उपचार सुरू आहेत. तर आरोपी फरार असून पोलिस त्याचा शोध घेत आहेत.
राजेश नाईक हे भेकराईनगर चौकात वाहतूक नियंत्रणाचे काम करत होते. यावेळी नाईक यांनी दुचाकी चालवताना फोनवर बोलणाऱ्या व्यक्तीला अडवले होते. याचा राग आल्याने त्याने रस्त्यात पडलेला दगड राजेश नाईक यांच्या डोक्यात मारला. यात राजेश नाईक गंभीर जखमी झाले आहेत. तर आरोपी फरार असून पोलिस त्याचा शोध घेत आहेत. या घटनेचा व्हिडिओ आता सोशल मीडियावर मोठ्या प्रमाणात व्हायरल होत आहे.
