नवी दिल्ली वृत्तसंस्था
२०२६ च्या प्रजासत्ताक दिनानिमित्त रेल्वे सुरक्षा दल (आरपीएफ) आणि रेल्वे सुरक्षा विशेष दलाच्या (आरपीएसएफ) अधिकारी व कर्मचाऱ्यांना त्यांच्या उल्लेखनीय, निष्ठावान आणि आदर्श सेवेबद्दल राष्ट्रपतींच्या पदकांनी सन्मानित करण्यात आले आहे. माननीय राष्ट्रपती श्रीमती द्रौपदी मुर्मू यांच्या मान्यतेने ‘विशिष्ट सेवेसाठी राष्ट्रपती पदक’ (President’s Medal for Distinguished Service – PSM) आणि ‘गुणवत्तापूर्ण सेवेसाठी पदक’ (Medal for Meritorious Service – MSM) जाहीर करण्यात आले.
रेल्वे प्रवासी, मालमत्ता व पायाभूत सुविधांच्या सुरक्षेसाठी आरपीएफ/आरपीएसएफकडून देशभरात बजावण्यात येणाऱ्या महत्त्वपूर्ण भूमिकेची दखल घेत हे पुरस्कार प्रदान करण्यात आले आहेत.
विशिष्ट सेवेसाठी राष्ट्रपती पदक (PSM)
उल्लेखनीय, गौरवशाली आणि दीर्घकाळ केलेल्या उत्कृष्ट सेवेच्या नोंदीसाठी हे पदक दिले जाते.
१) श्रीमती अरोमा सिंग ठाकूर – महानिरीक्षक (आय.जी.), दक्षिण मध्य रेल्वे
गुणवत्तापूर्ण सेवेसाठी पदक (MSM)
कर्तव्यनिष्ठा, कौशल्य, प्रसंगावधान आणि व्यावसायिक उत्कृष्टतेसाठी हे पदक प्रदान केले जाते.
१) उत्तम कुमार बंद्योपाध्याय – सहाय्यक सुरक्षा आयुक्त, दक्षिण मध्य रेल्वे
२) कल्याण देओरी – सहाय्यक कमांडंट, रेल्वे सुरक्षा विशेष दल
३) बलवान सिंग – निरीक्षक, उत्तर रेल्वे
४) प्रफुल्ल चंद्र पांडा – निरीक्षक, पूर्व तटीय रेल्वे
५) प्रकाश चरण दास – निरीक्षक, पूर्व तटीय रेल्वे
६) मुकेश कुमार सोम – निरीक्षक, रेल्वे सुरक्षा विशेष दल
७) पप्पाला श्रीनिवास राव – उपनिरीक्षक, पूर्व तटीय रेल्वे
८) अन्वर हुसेन – उपनिरीक्षक, पश्चिम रेल्वे
९) श्रीनिवास रावुला – उपनिरीक्षक, दक्षिण मध्य रेल्वे
१०) शिव लहरी मीना – उपनिरीक्षक, रेल्वे सुरक्षा विशेष दल
११) दिक्काला वेंकट मुरली कृष्णा – सहाय्यक उपनिरीक्षक, पूर्व तटीय रेल्वे
१२) संजीव कुमार – सहाय्यक उपनिरीक्षक, उत्तर रेल्वे
१३) महेश्वरा रेड्डी कर्नाटी – हेड कॉन्स्टेबल, दक्षिण मध्य रेल्वे
१४) सी. इलैया भारती – हेड कॉन्स्टेबल, दक्षिण रेल्वे
१५) मोहम्मद रफीक – कॉन्स्टेबल/धोबी, रेल्वे सुरक्षा विशेष दल
हे पुरस्कार दरवर्षी दोन वेळा – प्रजासत्ताक दिन (२६ जानेवारी) आणि स्वातंत्र्य दिन (१५ ऑगस्ट) – जाहीर केले जातात. आरपीएफ आणि आरपीएसएफच्या कर्मचाऱ्यांच्या सेवेचा गौरव करणे, तसेच भारतीय रेल्वेच्या सुरक्षेची सर्वोच्च मानके टिकवून ठेवण्यासाठी त्यांना प्रेरित करणे, हा या पुरस्कारांचा मुख्य उद्देश असल्याचे गृह मंत्रालयाकडून स्पष्ट करण्यात आले आहे.
