मुंबई प्रतिनिधी
विलेपार्ले-जुहू सार्वजनिक गणेशोत्सव मंडळाने यंदाही सामाजिक आणि शैक्षणिक बांधिलकीची परंपरा जपत गरजू विद्यार्थ्यांना शैक्षणिक साहित्य व आर्थिक मदत वाटप केली. गणेशोत्सवाच्या माध्यमातून सामाजिक, सांस्कृतिक आणि राष्ट्रीय ऐक्याचे धडे देण्याचा प्रयत्न करणारे हे मंडळ गेल्या अनेक वर्षांपासून शैक्षणिक मदत उपक्रम राबवत आहे.
मंडळाची स्थापना शिवसेना संघटक संजय मानाजी कदम यांच्या पुढाकारातून झाली. स्थापनेपासूनच विद्यार्थ्यांसाठी शैक्षणिक साहित्य, मोफत टॅब तसेच शैक्षणिक निधी उपलब्ध करून देण्याचे कार्य मंडळ सातत्याने करत आहे. यंदाही अनेक विद्यार्थ्यांना शैक्षणिक साहित्य वाटप करण्यात आले, तर गरजू विद्यार्थ्यांना प्रत्येकी पाच हजार रुपयांची मदत देण्यात आली. या धनादेशाचे वाटप शिवसेना उपनेते व विभागप्रमुख अनिल परब यांच्या हस्ते झाले.
दरम्यान, चर्मोद्योग कामगार सेना अध्यक्ष व युवासेना सहसचिव मयुर कांबळे यांच्या वतीने गणेशभक्तांना मोफत कोल्ड्रिंक व आइस्क्रीम वाटप करण्यात आले. महिला विभाग संघटिका श्रद्धा जाधव, उर्मिला पांचाळ, सुनिता अहिरे, पवन जाधव, हमीद शेख, सरिता मांजरे यावेळी उपस्थित होते.
तसेच, शिवसेना शाखा क्र. 192 आणि माजी नगरसेविका प्रीती पाटणकर यांच्या वतीने भक्तांसाठी अल्पोपहार व पाणी वाटपाची सोय करण्यात आली. या उपक्रमाला शिवसेना नेते दिवाकर रावते, माजी नगरसेवक प्रकाश पाटणकर, आमदार महेश सावंत, विधानसभा संघटक आरती किनरे, निरीक्षक यशवंत विचले, युवासेना विभाग अधिकारी स्वप्निल सूर्यवंशी, तेजश्री सुर्वे, उपविभाग प्रमुख सिद्धार्थ चव्हाण, शाखाप्रमुख प्रविण नरे, शाखा संघटक रीमा पारकर, कार्यालय प्रमुख रमेश सोडये यांच्यासह मोठ्या संख्येने शिवसैनिक आणि युवासैनिक उपस्थित होते.
या विविध उपक्रमांमधून मंडळाने केवळ धार्मिक कार्यक्रमापुरते न मर्यादता सामाजिक जबाबदारीची जाणीव अधोरेखित केली.
