पुणे:प्रतिनिधी
पुण्यातील वाघोली पोलीस स्टेशन समोरील फुटपाथवर झोपलेल्या नऊ जणांना चिरडले. या मध्ये तिघांचा जागीच मृत्यू झाला. यामध्ये मुलांच्या काकांसह दोन बालकांचा समावेश आहे.तर सहा जण गंभीर जखमी झाले. जखमी झालेल्या तिघांची प्रकृती चिंताजनक आहे. रविवारी रात्री बारा ते एक वाजण्याच्या सुमारास वाघोलीतील केसनंद फाट्यावर पोलीस ठाण्याच्या समोरच घडले . या घटनेतील आरोपी गजानन शंकर तोट्रे हा डंपर चालक दारु पिऊन डंपर चालवित असल्याचे तपासात समोर आले असून त्याला अटक करण्यात आली आहे.
या भीषण अपघातानंतर असा आरोप केला जातोय की, हा डंपर चालक हा मद्यधुंद अवस्थेत होता. पोलिसांनी पुढील कारवाई करण्यास सुरूवात केलीये. अधिक माहिती अशी की, अपघातग्रस्त सर्वजण हे मजूर असून या अपघातनंतर त्यांच्या कुटुंबावर दु:खाचा डोंगर कोसळला आहे. पोलिसांनी डंपर जप्त केले असून चालकाविरुद्ध गुन्हा देखील दाखल करण्यात आलाय. डंपर चालकावर कठोर कारवाई करण्याची मागणी नागरिकांकडून केली जात आहे. डंपर चालकाचे नाव गजानन शंकर तोटे (26 वर्षे) असून रा. नांदेड यास ताब्यात घेतला असून मेडिकल करण्यासाठी ससून हॉस्पिटल येथे पाठवण्यात आले.
जखमींची नावे खालीलप्रमाणे-
जानकी दिनेश पवार, 21 वर्षे, रिनिशा विनोद पवार 18, रोशन शशादू भोसले, 9 वर्षे, नगेश निवृत्ती पवार, वय 27 वर्षे, दर्शन संजय वैराळ, वय 18, आलिशा विनोद पवार, वय 47 वर्षे. जखमींना प्राथमिक उपचार आयनॉक्स हॉस्पिटल येथे करून ससून रुग्णालयात रवाना केले आहे. मृतदेह आयनॉक्स हॉस्पिटल येथून ससून येथे पाठवण्यात आले. घटनास्थळी झोन 2 एसीपी खाडे, एसीपी सोनवणे आणि इतर पोलिस कर्मचारी उपस्थित होते.
