मुंबई प्रतिनिधी
वरळीतील डेअरी वर्कर्स कॉलनीमध्ये राहणाऱ्या एका पोलीस कर्मचाऱ्याच्या घरात चोरी झाल्याची घटना उघडकीस आली आहे. दोन स्थानिक तरुणांनी ही धाडसी चोरी केली असून, सुमारे ४० हजार रुपये किमतीच्या मौल्यवान वस्तू घेऊन चोरटे फरार झाले आहेत.
सशस्त्र पोलीस शाखेत नायगाव येथे कार्यरत असलेले पोलीस कॉन्स्टेबल प्रमोद विश्वनाथ कांबळे सध्या त्यांच्या घराच्या दुरुस्तीमुळे काम सुरू होते.
कांबळे आणि त्यांच्या पत्नी वाशी येथे कौटुंबिक कार्यक्रमासाठी गेले होते. रात्री उशीरा घरी परतल्यानंतर ते झोपले. मात्र १७ एप्रिल रोजी पहाटे २.४५ वाजता असामान्य आवाज आल्याने कांबळे यांना जाग आली.
खोलीची तपासणी केली असता, घरात दोन संशयित तरुण – अक्कू उर्फ हुसेन साजिद खान (वय २२) आणि आरिफ उर्फ सोनू मोहम्मद अब्बास शेख (वय ३२) हे घरात आढळले. कांबळे यांना पाहताच दोघांनी पळ काढला. कांबळे यांनी त्यांचा पाठलाग करण्याचा प्रयत्न केला, मात्र आरोपी फरार झाले.
चोरट्यांनी खिडकीची काच काढून घरात प्रवेश केला होता. कांबळे यांच्या घरातून सुमारे २५ हजार रुपये किमतीचे सोन्याचे मंगळसूत्र, १० हजारांचा रेडमी नोट १०टी मोबाईल फोन, आणि ५ हजारांचा पोको सी५० मोबाईल चोरीला गेला. या चोरीची एकूण किंमत सुमारे ४० हजार रुपये इतकी आहे.
या प्रकरणी वरळी पोलीस ठाण्यात गुन्हा दाखल करण्यात आला असून, पोलीस आरोपींचा शोध घेत आहेत. आरोपींना लवकरच अटक करु असं पोलिसांनी सांगितलं.
