मुंबई प्रतिनिधी
राज्यातील लाखो लाभार्थी महिलांसाठी आनंदाची बातमी. ‘मुख्यमंत्री माझी लाडकी बहीण’ योजनेअंतर्गत ऑक्टोबर महिन्याचा सन्मान निधी उद्या, ४ नोव्हेंबरपासून पात्र लाभार्थ्यांच्या बँक खात्यांमध्ये जमा होणार असल्याची माहिती महिला व बालविकास मंत्री आदिती तटकरे यांनी दिली.
मुख्यमंत्री माझी लाडकी बहीण योजना : महिला सक्षमीकरणाची अखंड क्रांती !
मुख्यमंत्री माझी लाडकी बहीण योजनेच्या सर्व पात्र लाभार्थ्यांना ऑक्टोबर महिन्याचा सन्मान निधी वितरित करण्याच्या प्रक्रियेस उद्या पासून सुरुवात होत आहे. लवकरच योजनेतील सर्व पात्र लाभार्थ्यांच्या आधार संलग्नित… pic.twitter.com/Snf9kgFcvR
— Aditi S Tatkare (@iAditiTatkare) November 3, 2025
त्या एक्स (Twitter) वरून माहिती देताना म्हणाल्या, “महिला सक्षमीकरणाची अखंड क्रांती सुरू असून, ऑक्टोबर महिन्याचा सन्मान निधी वितरीत करण्याची प्रक्रिया उद्यापासून सुरू होत आहे. लवकरच आधार संलग्नित बँक खात्यांमध्ये रक्कम जमा होईल.”
राज्यातील महिलांच्या आर्थिक सक्षमीकरणासाठी सुरु केलेल्या या योजनेत लाभार्थींची संख्या मोठी असून, कोणताही अडथळा येऊ नये म्हणून ई-KYCची सोय करण्यात आली असल्याचे तटकरे यांनी स्पष्ट केले.
“योजनेतील सर्व लाभार्थ्यांनी १८ नोव्हेंबरपूर्वी E-KYC प्रक्रिया पूर्ण करावी. मागील महिन्यापासून https://ladakibahin.maharashtra.gov.in या संकेतस्थळावर ही सुविधा उपलब्ध आहे,” असे आवाहनही त्यांनी केले.
राज्यातील माता,भगिनींच्या विश्वासामुळे ही योजना अधिक बळकट होत असल्याचेही तटकरे यांनी नमूद केले.
