मुंबई प्रतिनिधी
पंतप्रधान नरेंद्र मोदी ८ आणि ९ ऑक्टोबर रोजी महाराष्ट्र दौऱ्यावर येत असून या दोन दिवसांच्या भेटीत पायाभूत सुविधा, वाहतूक, रोजगार व तंत्रज्ञान क्षेत्रातील महत्त्वाच्या प्रकल्पांचे उद्घाटन करणार आहेत.
नवी मुंबई आंतरराष्ट्रीय विमानतळाचे उद्घाटन
• ८ ऑक्टोबर रोजी दुपारी ३ वाजता नवी मुंबई आगमन.
• दुपारी ३.३० वाजता विमानतळाच्या पहिल्या टप्प्याचे औपचारिक उद्घाटन.
• अंदाजे ₹१९,६५० कोटी खर्चून उभारलेला हा प्रकल्प देशातील सर्वात मोठा ग्रीनफील्ड विमानतळ.
• १,१६० हेक्टरवर पसरलेले विमानतळ, वार्षिक ९० दशलक्ष प्रवासी आणि ३.२५ दशलक्ष मेट्रिक टन मालवाहतूक क्षमतेसह.
• वॉटर टॅक्सीने जोडलेले देशातील पहिले विमानतळ.
• ४७ मेगावॅट सौर ऊर्जा, शाश्वत इंधन साठवण आणि ईव्ही बस सेवा यासारखी पर्यावरणपूरक वैशिष्ट्ये.
मुंबई मेट्रो लाईन-३ राष्ट्राला समर्पित
• आचार्य अत्रे चौक ते कफ परेड या फेज २ब चे उद्घाटन.
• संपूर्ण लाईनची लांबी ३३.५ किमी, २७ भूमिगत स्थानके.
• एकूण खर्च ₹३७,२७० कोटी.
• दररोज अंदाजे १३ लाख प्रवाशांना सेवा.
• मंत्रालय, उच्च न्यायालय, आरबीआय, बीएसई, नरिमन पॉइंटपर्यंत थेट जोडणी.
• रेल्वे, विमानतळ, मोनोरेल व इतर मेट्रो लाईन्सशी अखंड एकात्मता.
‘मुंबईवन’ अ‍ॅपचे लाँचिंग
• देशातील पहिले एकात्मिक कॉमन मोबिलिटी अ‍ॅप.
• ११ सार्वजनिक वाहतूक सेवा एका व्यासपीठावर – मुंबई मेट्रो, मोनोरेल, नवी मुंबई मेट्रो, उपनगरीय रेल्वे, बेस्ट, ठाणे, मीरा-भाईंदर, कल्याण-डोंबिवली, नवी मुंबई आदी.
• मोबाइल तिकीटिंग, मल्टीमॉडल पेमेंट, रिअल-टाईम ट्रॅकिंग, नकाशा-आधारित मार्गदर्शन व सुरक्षा सुविधा.
रोजगार व कौशल्य विकास
• महाराष्ट्र कौशल्य, रोजगार व उद्योजकता विभागाचा अल्पकालीन कार्यक्रम सुरू.
• २५०० प्रशिक्षण बॅचेस; त्यापैकी ३६४ केवळ महिलांसाठी.
• ४०८ बॅचेस एआय, IoT, ईव्ही, सौर ऊर्जा, ऍडिटीव्ह मॅन्युफॅक्चरिंगसारख्या नव्या तंत्रज्ञानांवर आधारित.
• ४०० सरकारी आयटीआय व १५० तांत्रिक शाळांत अंमलबजावणी.
भारत-यूके संवाद
• ९ ऑक्टोबर रोजी मुंबईत ब्रिटनचे पंतप्रधान केअर स्टारमर यांची भेट.
• भारत-यूके व्हिजन २०३५ रोडमॅपचा आढावा – व्यापार, गुंतवणूक, तंत्रज्ञान, संरक्षण, आरोग्य, शिक्षण, ऊर्जा क्षेत्रातील सहकार्यावर भर.
• दोन्ही नेते जिओ वर्ल्ड सेंटर येथे उद्योग-जगतातील प्रमुखांशी बैठक घेतील.
• ग्लोबल फिनटेक फेस्ट २०२५
• मोदी व स्टारमर प्रमुख वक्ते.
• ७५ देश, १ लाख सहभागी, ७,५०० कंपन्या, ८०० वक्ते, ४०० प्रदर्शक, ७० नियामक संस्था सहभागी.
• सिंगापूरचे नाणे प्राधिकरण, जर्मनीचे ड्यूश बुंडेसबँक, फ्रान्सचे बँक डी फ्रान्स, स्वित्झर्लंडचे फिनमा आदींचा सहभाग.
या दौऱ्यातून महाराष्ट्रातील पायाभूत सुविधा, सार्वजनिक वाहतूक, कौशल्य विकास आणि जागतिक भागीदारी या चारही आघाड्यांवर मोठी उडी अपेक्षित आहे.
