बांद्रा ,सातारा प्रतिनिधी न्युज नेटवर्क
बांद्रा पूर्व खेरवाडी पोलीस ठाण्याच्या हद्दीत MH 01DR7824 क्रमांकाची ही बस थांबलेली असून तिथे हा बसचालक बसमधून उतरून वांद्रे पूर्व खेरवडी परिसरातील आराम वाइन्सशॉप मध्ये उभा असल्याचे दिसते. तिथे तो दारूची बाटली विकत घेतो आणि पुन्हा बसच्या स्टेरिंगवर चालकाच्या जागेवर येऊन बसतो.
या बस चालकाने वाईन शॉपच्या जवळ बस थांबवली आहे. पण त्याच्यावर लक्ष ठेवून असलेले स्थानिक सोशलवर्कर दीपेश जाधव यांनी त्याचा पाठलाग करून त्याला जाब विचारला तेव्हा त्याने उडवाउडवीची उत्तरे दिली. त्यानंतर तरुणांनी त्या बसमधील वाहकाला प्रश्न विचारले तेव्हा त्यानेही नीट उत्तरे दिली नाहीत.
आता यासंदर्भात पोलीस कोणती कारवाई करणार हा प्रश्न आहे. कुर्ला येथे जो बस अपघात झाला त्यात चालकाने अनेक लोकांना धडक दिली. गाड्याही चेपल्या. त्यात ७ लोकांचा मृत्यू झाला आणि ४० लोक जखमी असल्याचे कळते. या घटनेत चालक दारू प्यायला असल्याचे समोर येते आहे.
आता असे बसचालक गाडी चालवणार असतील तर असे अपघात पुन्हा होण्याची शक्यता वाढली आहे. या चालकांची नियुक्ती करताना त्यांची पार्श्वभूमी तपासली जाते का, मेडिकल होते का, त्यांच्या नावावर गुन्हे दाखल आहेत का याची पाहणी केली जाते का? असे प्रश्न उपस्थित होत आहेत.
